يا مرحبا ترحيب الأرض لسيل

[size=36]:
يامرحبا ترحيبتن كلها طيب
وينساق لك فنجال صفر الدلالي
وترحيبنا دايم بعطر الاشنايب
مثل الجنوبي لا لفاه الشمالي[/size]
[size=36]غريب الدار:
يامرحبا ياهل الكرم والمواجيب
من شاعرن يرقا بروس المعالي.
جرب ترا الدنيا حضوض وتجاريب
والفرق فالاخلاق يابن الحلالي[/size]
[size=36]شعيطان:
ترحيبنا منته ترده بترحيب
بفتح مجالك يوم جالي مجالي
ميردنا هداج عذب المشاريب
طبعن لعماني وطبع لخوالي[/size]
[size=36]غريب:
ماتتعب الخيال صفر العراقيب
وانا اقدر اهزم لي قبيله لحالي
تمزح وتضحك مادريت العواقيب
لكن تال الوقت ياهملالي[/size]
[size=36]شعيطان:
بعظ الحكاوي يلحقك منها عيب
فطنتك فيها ياعميلي خبالي
مانته وانا يابوك عطب المظاريب
وشورك يديره ورع وام العيالي[/size]
[size=36]غريب:
اعلومنا ماتقبل الشك والريب
قلل كلامك لايطول الجدالي
من يشرب الفنجال يذبح تراحيب
ياتكحلها بكحل الدلالي[/size]
[size=36]شعيطان:
انته مثل من يرمي الارظ ويصيب
يصيب حيدن من حيود الجبالي
شعري ليا منه حدا شمخ النيب
وان ماعجبتك روح دور بدالي[/size]
[size=36]غريب :
اللي نزله في طرف ضلع وشعيب.
من واجبه يحسب للكل احتمالي.
.لو الغراب يغير اللون ويشيب.
ماينحسب سعر الهلل بالريالي.[/size]
[size=36]شعيطان :
يامدور الغربان لاتفري الجيب
وخابرك رجل اتقول انك مثالي
واختماها للبيت معنا وترتيب
ركز عليها ياوسيع الخيالي[/size]